[香港人赴台] 去台灣隆鼻手術分享：今年終於下定決心同我個扁鼻講bye-bye

去台灣隆鼻手術分享，想寫下來給大家參考~

自細就好在意自己個鼻型
一直都好羨慕外國人特有嘅高鼻，影相個陣臉形比較立體
每次去街之前都會用好多時間去化妝令個鼻睇落冇咁扁但係出嚟嘅效果感覺冇乜作為
有冇人可以救下我個扁鼻呀⋯⋯
上網睇左好多個案手術後都好成功⋯⋯我真係好羨慕
上年開始上網搵資料做定功課同諮詢
今年終於下定決心⋯同我個扁鼻講bye-bye

呢張係鼻整形之前嘅相⋯化妝都冇用

呢個係我嘅鼻模板

手術前一日先去診所同醫生溝通，之後影相，醫生會用模擬軟體畫出唔同類型嘅鼻形比我揀，再跟住呢個模擬圖裁剪出手術中要用嘅模板，佢話咁樣可以更精準雕出所需要嘅鼻形。另外，因為需要麻醉所以護士要求我夜晚12點之後唔可以食野同飲水。

9點就去到診所，護士小姐叫我換衫之後去治療室劃線，之後入手術室，麻醉醫生已經係入面，之後打左點滴。唔駛一陣我就瞓著左，醒返個陣手術已經完成，等麻醉藥散到咁上下就離開診所，走個陣仲有小小暈。

個鼻有用外部夾板固定可以保護個鼻同幫助消腫，仲有放引流管引流血水。因為鼻塞覺得唔係好舒服攪到瞓得唔好。另外，塊臉同對眼都腫左，醫生話頭三日要多用冰敷先可以避免繼續腫落去。

手術後第二日
今日感覺比尋日好，一陣要去診所拆引流管。但係個鼻仲係塞，醫生話係因為手術後鼻內腫脹，要等到手術後第十日鼻塞先會改善。另外，醫生特別吩咐抗生素一定要按時間食，因為鼻整形最擔心感染。

手術後第三日
感覺比較輕鬆，去診所之後由護士小姐幫我拆耳朵紗布，臉上面嘅瘀青慢慢變成黃色而且越來越淡，醫生話可以開始暖敷等d瘀散快d。

返診所拆鼻柱線，醫生教我做復位按摩避免假體偏移。（第一個月好重要，得閒就照住塊鏡做按摩）
醫生話我恢復得唔錯，消腫得七七八八。仲剩返小小瘀，大概多一兩個星期先會散哂。跟住落嚟就係要持續做復位按摩，尤其是我要返香港好難成日返去覆診，所以學識點樣做復位按摩係非常之重要。